Hemserekanê KCDK-E bi eşkerayîyêka nuştekîye semedê tewrbîyayîşê çalakîyanê protestokerdişê Komployê 15ê Sibate ke şexsê Raybarê Şarê Kurdî Abdulah Ocalanî de vera kurdan ame kerdene.

Eşkerayîye de nê ameyî vatene: ''Hêzê mîyanneteweyê ke wazenê pê şer û gonî payra bimanê û îqtîdarê herêmî kanperestî komplo kerd ke verê fîkranê Rayber Apoyî bêro girewtene. Fîkrê Rayber Apoyî prosesê esaretê nê 23 serran de zî dahîna pîl bîyî û heme dinya ra vila bîyî û şarê rê bîyî çimeyê îlhamî. Îngîlîstan, Ewropa, Afrîka û xeylêk cayanê dinya de hunermend, roşnvîr û sîyesatmerdî semedê azadîya Rayber Apoyî aktîf têgêrenê. Têkoşînê semedê azadîya Rayber Apoyî têkoşînê vera hêrişê qirkerdişê serê kurdan o. Ganî her keso ke demokrasî û azadîye wazeno pîya vera faşîzmê dewleta tirke têkoşîn bikero.

Ma do 6ê sibate de semedê azadîya Rayber Apoyî bibê seferber. Her hetê dinya ra 150 enternasyonalîst sîyasetmedar, hunermend, anarşsîtî û şehsîyetî 6ê sibate de Frankfurtê Almanya ra do destpê pê Rayraşîyayîşê Dergî bikerê û qefleyêkê rayraşîyayîşî 12ê sibatê de do bireso bajarê Strasbourgî yê Fransa. Qolê diyînî yê rayraşîyîşî yo ke Baselê Swîsre ra 6 sibate dest pê rayraşîyîşî keno do 12 ê sibate de Strasbourg de bi çalakwananê bînan bêro têhet.

Reyna do bajaranê cîya cîyayan de rayraşîyayîşê hîrê rojan bêrê kerdene. 12ê sibate de ma do Strasbourg de mîtîng û rayraşîyayîş bikerê. Ma sey KCDK-E veng danê heme kurdan û dostanê xo ke wa bi ruhê seferberîye tewrê çalakîyan bibê. Adresê rayraşîyayîşî wina yo: 9 Pl. de la Gare 67000 Strasbourg."