Festîvala Kultur û Hunerê Kurdan a 32ine 21ê êlule de, do şaristanê Frankfurtî yê Almanya de bêra kerdene. Festîvale bi sloganê 'Ma îşxal û tecrîdî bişiknê, Rayber Apoyî azad bikerê' do bêra kerdene.

Hemserekanê KCDK-E Zubeyde Zumrut û Engîn Severî û Hemserekanê KON-MEDî Rûkene Akça û Kerem Gokî bi rayîrê ajansê ma venga her kesî da ke wa tewrê festîvale bibo.

Zubeyde Zumrut vat: ''Amadekarîyê teknîkî yê festîvala ma qedîyayê. Ma pabeyê ci yê ke şarê ma bi des hezaran kesan reyde biherîko warê festîvale. Vera hêrişanê serê kulturê kurdan ma do pîya govenda azadîye bigêrê û kincanê xo yê neteweyîyan xo rê bidê.''

Engîn Severî vat: ''Armancê ma pîl ê coka tewrê na festîvale bibê. Vera Vakur, Başûr, Rojhelat û Rojawanê Kurdîstanî hêrişî est ê, hêrişê vera Şingalî est ê. Şarê ma ganî wayîrê erjanê xo, welatê xo û kulturê xo vejîyê. Ma festîvala emserîne dîyarîya xoverdayîşê Zapî kenê. Bêrê ma cera tecrîdî têkoşînî pîlêr bikerê.''

Rûken Akça zî vera hêrişanê çinkerdiş û îmza venga pêro kesan da ke wa tewrê festîvale bibê û vat: ''21ê êlule de şaristanê Frankfurtî de ma pîya govende bigêrê û cewabêkê xurtî bidê îşxalkeran.''

Kerem Gokî vat: ''Ma venga şarê xo danê ke vera qirkerdişê kulturelî biheriko Frankfurtî.''