Federasyonê FCDK-KAWA semedê tewrbîyayîşê Festîvala Kulturkê Kurdan a Neteweyî ya 32. ya ke do 21ê êlule de Rabstockeparkê Frankfurtî de bêro kerdene veng da.

Hemserekê Federasyonê FCDK-KAWA Mehmet Çobanî semedê tewrbîyayîşê festîvale veng da û nê vatî: ''Ma festîvala xo ya emserî bi şîarê şiknayîşê tecrîdê serê Rayberîye û statuyê Kurdîstanî do bikerê. Ma veng danê ke wa pêro şarê ma tewrê festîvale bibo. Îqtîdarê AKP-MHPyî  PDKyo xayîn zî girewto peyê xo, wazeno ke semedê îqtîdarê xo kurdan qir bikero. Ma kurdê ke Ewropa de yê eşkenê verê nê bigêrê. Ganî ma bibê veng û goşê heme kurdan û şervananê azadîye. Ma 21ê êlule de heme dostanê xo, doman, extîyar, cinî, ciwan her kesî pawenê Frankfurtî.''

Hemsereka Federasyonê FCDK-KAWA Kerime Barçin zî nê vatî: ''Ganî pêro şarê ma semedê şiknayîşê tecrîdê serê Rayberîye tewrê festîvale bibo. Dewleta tirke ya îşxalkere Kurdîstan de hêrişê kultur, ziwam, govende û nuştişanê ma kena. Ma tîya ra veng danê heme şarê xo yê Ewropa ke wa tewrê festîvale bibo.  Ma tewrê festîvale bibê û vera dewleta tirke ya îşxalkere, îqtîdarê qirkerî yê AKP-MHPyî û îxanetê PDKyî wayîrê Rayberîye xo û xo bivejîyê.''