Paytextê Almanya Berlin de vengdayîşê Meclîsê Dest-Danî û Nav-Berlinî ser o verê Sersefîrîya Iraqî de hêrişê îşxalî yê dewleta tirke û îxanetê Barzanîyan ameyî protestokerdene.

Çalakîye ra ver heyetê NAV-BERLINî dosyayêke pêşkêşê Sersefîrîya Iraqî kerde û çelengo reş verê bîna de na ro.

Heyetî ard ziwan ke dewleta tirke ya îşxalkere hêrişê Başûrî kena la PDK û hukmatê Iraqî verê nê hêrişan de îxanetî ra ber çîyêk nêkenê. Heyetî venga PDKyî da ke îxanetî ra fek vera bido û venga Iraqî da ke erkanê xo bîyaro ca. 

Çalakîkeran derheqê hêrişanê îşxalî de agahîyî dayî û pare kerd ke dewleta tirke ya îşxalkere do siba seba PDKyî zî biba tehluke.

Çalakîye de sloganê sey "Hoch die internationale Solidarität!" û "Bimre xiyanet!" ameyî vatene.