Bern, Viyana û Berlin de bi beşdarîya xeylêk kesan şehîdê têkoşînê azadîye bi merasîman ameyî yadkerdene.

Şaristanê Bernî yê Swîsre de gerîlayê şehîdî Bîrhat Bûldan (Şahan Gever), Ronî Welat (Şervan Hesen) û Feryat Bûldan (Yilmaz Cîlo) ameyî yadkerdene. Hemserekê Kongra-Gelî Remzî Kartalî merasîm de qisey kerd û bale ante Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ser. Kartalî venga pêro kurdan da ke bi xurtî wayîrê hemle vejîyê.

Şaristanê Viyana yê Avusturya de gerîlayê şehîdî Akîf Tolhildan, Zinar Raperîn û Sîpan Kobanê ameyî yadkerdene. Salone de fotografê şehîdan û Rayberê Şarê Kurdî Abdullah Ocalanî ameyî daliqnayene. Merasîm de derheqê şehîdan de sînevîzyonêk ame mojnayene. Merasîm bi slogananê sey “Şehîd namirin“ û “Bijî Serok Apo“ qedîya.

Paytextê Almanya Berlin de şehîdo enternasyonalîst Michael Panser (Bager Nûjiyan) ame yadkerdene. Merasîm de embazanê Şehîd Bagerî şîîrê ey wendî û qala têkoşînê şehîdî kerde. Dima seba yadkerdişê şehîdî kayê tîyatroyî ame mojnayene û deyîrî ameyî vatene.