Paris û Berlin de seba azadîya Rayberê Şarê Kurdî Abdullah Ocalanî tay çalakîyî ameyî kerdene.

Şaristanê Parisî yê Fransa de verî rayberîya TCŞ û TÊKO-JIN de banlîyoyê Evryî de çarçewa Hemleya ''Werin Cenga Azadiyê'' de çalakîya rayraşîyayîşî ameye kerdene. Çalakîye de sloganê sey 'Ocalanî rê Azadîye' ameyî vatene.

Dima banlîyoyanê bînan ê Parisî de seba vengdayîşê çalakîya 12ê sibate kuçe û meydanan ra afîş, pankart û stickerî ameyî daliqnayene. Ciwanan metro, noqtayanê otobusan, kuçeyanê sixletînan de zî heman xebate kerde. 

Paytextê Almanya Berlin de zî ciwanan seba vengdayîşê çalakîyanê 12-13ê sibate Hermanstrasse, Hermanplatz, Neukolln, Kottbusser Tor de afîş, pankart û stickerî ameyî daliqnayene. Dima ciwanan seba çalakîyan broşurî vila kerdî.