Xelîl ame berdene bi nêweşxaneyî, la tedawî qebûl nêkerde

Şîyar Xelîlo ke 59 rojî yo grevê vêşanîye de yo, vizêr şan de nêweş kewt û amebi berdene bi  nêweşxaneyî. Seba ke tedawî qebûl nêkerde, agêrîya Keyeyê Şarî yê Medya û çalakîya xo dewam kerde.

Şîyar Xelîl seba wedaritişê tecrîdkerdişê Rayberê Şarê Kurdî Abdullah Ocalanî, bajarê Nurnbergî yê Almanya de 59 rojî yo grevê vêşanîye de yo. Xelîl vizêr şan de nêweş kewt û bi ambûlanse amebi berdene bi nêweşxaneyî. Seba ke roqilaya girda ey ra gonîye ameya o bi ambûlanse amebi berdene bi nêweşxaneyî. Rixmê israrê doktoran Xelîlî tedawî qebûl nêkerde û agêrîya Keyeyê Şarî yê Medya. Xelîlî çalakîya xo dewam kerde.

Şîyar Xelîlî Keyeyê Şarî yê Medya de eşkerayîya kilme daye û vat, “Wa kes meraq nêkero, rewşa mi baş a. Şahedet zî bibo ma do bi sereberzîye pêşwazî bikerê.”

Xelîlî  bale ante ser ke, ê qerardar ê ke bedelê ci çi beno wa bibo tecrîdkerdişê Rayberê Şarê Kurdî Abdullah Ocalanî  bişiknê.