28 welatanê Yewîya Ewropa (YE) bi eşkerayîyêka hempare veng da Tirkîya ke wa operasyonê vera Vakur û Rojakewtena Sûrîye biqedîne.

Eşkerayîya hempare de ame vatene ke YE Tirkîya ra wazena ke wa operasyonê leşkerî yê yewhetî yê vera Sûrîye biqedîne. Eşkerayîye de wina ame vatene: ‘‘Tirkîya qalê ‘herêma biasayîşe‘ ya ke do bextwaştoxan tede bica bikere, kena. No  waştiş goreyê krîteranê mîyanneteweyî nêyo. Yewîya Ewropa cayo ke heqê şarê herêmî yenê binpaykerdene paştgêrîye nêdana.''