Des zerrîwazanê Fransijan pare kerd ke înan wextêk hetê YPG'yî de verba DAÎŞ'î  Rojawan û Başûrê Kurdistanî de têkoşîn da û vat: "Ma sey zerrîwazê Fransijî Sûrîye û Iraq de Kurdan reyde verba terorîstanê dewleta Îslamî reyde şer kerd, ma verba hêrişanê ke netîceyê ci yê xedarî bi qasê Kurdan Fransa û Ewropa rê zî tesîr bikê, veng danê."

Zerrîwazanê Fransijan serê tepîyaancîyayîşê leşkeranê Amerîka yê hetê Donald Trumpî ra behs kerd û vat: "No seba mutefîqanê ma Kurdan xîyanet o. Seba naye sere wedarit. Ma deyndarê Kurdan ê. Têkoşînê verba DAÎŞ'î rayberîya hêzê QSD'yî yê Kurdan mumkîn o û ma seba nê serkewtişî deyndarê înan ê. Erdogan wazeno sîstemê konfederalîzm o demokratîk çin bike. Eke ma Kurdan têna biverdê, na yena a mene ya ke leşkerê dewleta Îslamî vila benê û ma erjê pêoyî yê merdimîye teriknenê. Wazenê erdê Kurdan destê înan ra bigêrê. Erdogan dişmenê mutefîkê ma yo. Êyê ke hêrişê erdê QSD'yî kenê ma vajê bi temamî cîhadîst ê, ê ya verê cû hetê El Qaîde de bîyî, yan zî endamê DAÎŞ'î bîyî. Netîceyê nê trajedîyî do Ewropa rê zî tesîr bikê. Cayanê ke çeteyanê Enqere îşxal kerdî, de çeteyî yenê raverdene. Hedefê çeteyan ê neweyî Libnan, Iraq û Ewropa yê."

Peynîya vengdayîşî de zerrîwazan hukmatê Fransa rê veng da ke ganî 'hîna bi cesaret' verba îşxalkarîye vindere, seba wedaritişê îşxalkarîye pêroyê firsendan seferber bike. Metnê vengdayîşî yo ke El Fîgaro de ame parekerdene, hetê 10 Fransijanê ke verê cû Rojawan û Başûrê Kurdistanî de şervananê YPG'yî reyde şer kerdibi ra ame îmzakerdene.