Blokê AKP-MHPyî yoo faşîst hukmatêkê şerî yo. No şer şero winasên o ke giranîye dano şerê zereyî, wazeno muxalîfan û kurdan hetê fîzîkî û komelkî ra qir bikero. Kurdîstan de xizankerdiş, ajankerdiş, karanê fuhuşî û narkotîkî reyde rêxistinîyê paramîlîterî qirkerdişê fîzîkî ferz kenê. Serebûtê ke rojanê peyênan de Cizîre de mabênê keyeyan de qewimîyayê, sey 'serebûtêkê mabênê keyeyan' ameyî mojnayene la a raşte mabênê keyeyanê hemkaranê dewlete û keyeyanê welatperweran de têkoşînê azadîye qewimîyeno.

Delalê zerrîya Soyluyî: Celîl Begdaş

Hukmatê faşîstî erk da Soyluyî û tira waşt ke Kurdîstan de bingeyê şer û kaosî awan bikero. Coka binê pawitişê polîsan de hukmatî verê bînaya HDPyî ya Amedî de tay keyeyî nişnayî ro. Kesê bi nameyê Celîl Begdaşo ke 'serkêşîya' nê keyeyan keno, şaristan de karê mafya keno. Sey Suleyman soyluyî şaristan de gêreno.

Komeleyê ke heman roje awan bîyê

Hetê bînî ra polîsê fermî û polîsê sivîlî şaristananê Kurdîstanî de sey çeteyan têgêrenê û binê nameyê 'rêxistinanê komelê sivîlî' de komeleyan awan kenê, komelî rê gefî wanenê, asîmîle kenê û karê dejenerekerdişî kenê. Zafê nê komeleyan wextê xîretê Darbeya 15ê Temmuze de ronîyayê. Xora na raştîye keyepelanê înan de zî asena. Cigêrayîşêko hîra do bimojno ke nê komeleyî heman roje ronîyayê û hûmara înan nêzdîyê 40 a.

Karanê gemarinan  kenê

Nê komeleyan ra ma do têna komeleyanê 'Ocakî' ser o vinderê. Beşêkê nê komeleyanê ocakî xîretê darbe ra verî, beşêko bîn zî xîretê darbe ra pey ronîya. Armanco verên ê ronîyayîşê nê komeleyan 'vergirewtişê darbeyêka muxtemele' de peydakerdişê hêzanê paramîleteran bi la nika nê komeleyî karanê sipîkerdişê pereyê reşî, tewrbîyayîşê perwerdeyanê leşkerîya, beşdarîya hêrişanê qirkerdişî yê dewleta tirke, bzirganîya fuhuş û narkotîkî û karanê ajanîye kenê.

Keyeyê Ensarîogullari û Arzuogullariyî

Komeleyanê Ocakî Kurdîstan de bezreyê xo pê rayîrê tay dewletanê hemkaran eştî. Mîsal keyeyê Ensarîogullari û Arzuogullariyî şaritan de karê sipîkerdişê pereyê reşî, karê narkotîk û karanê winasênan kenê. Xora nê keyeyan ra Galîp Ensarîogullari û Kutbettîn Arzuyî wextêk wekîlîya AKPyî kerdêne. Hetê bînî ra xeylêk şaristanê Kurdîstanî hedefê nê komeleyan de yê. Şirnex, Cizîre, Gever û Êlih de polîs, leşker, qoricî û hemkarê înan ê herêmî serê nê komeleyan de îdarekarîye kenê.

Keyeyê Barkinî yo xayîn

Seke yeno vîrê her kesî kesê bi nameyê Îbrahîm Barkinî çend rojî verî Silopî de cinîya bi nameyê Sakîne Kulter qetil kerde, dima rîyê ci vêşna û eşte kişta rayîrî. Kiştox û tecawuzker Barkin bajarekê Başverîmlî yê Silopî ra yo û keyeyê Barkinî qetî paştî nêdayo sîyasetê çepî yan zî muxalefetî. Kamyew partîye îqtîdar de bîye înan paştî dayêne aye. Îbrahîm Baarkin Îdareyê Taybetî yê Şaristanî de xebitîyayêne. Barkin rixmo ke rojêke zî nêşîyo kar, tim meaş dîya ci û sîgorataya ci zî xebitîyayêne.

Apê ey zî 'merdimanê' Soyluyî ra bi

Kiştox Barkin heman wextî de birazîyê Halît Barkinî yo ke no merdim merdimê Soyluyî yo. Halît Barkin serekê Şubeyê Cizîre yê Têgêrayîşê Mendebîyayîşê Milîyî bi ke bi temamî binê fermandarîya Soyluyî de yo. Halît Barkino ke Cizîre de westeyê cigêrayîşê dêsan bi, wextêkê kilmî de karê înşatî, karê rayîrî kerdî û bi mîlyonan pere vist destî. Tayînê qeyûmî ra dima Şaredarîya Cizîre de xeylêk kesî bîyî kexdûr. Barkinî bi sozê karî merdiman ra pere girewt û 5 mîlyon lîra kom kerd. Nika no pere vînîbîyaye yo.

Îbrahîm Barkin û têkilîya ci ya bi komele

Îbrahîm Barkin mîyanê Komeleya Ocakanê Têgêrayîşê Taybetî (OHOD) de wezîfe kerdêne. Polîsê têgêrayîşê taybetî zî endamê ney ê. Na komele zî seba karanê gemarinan ê AKPyî awan bîya. Îbrahîm Barkin serekê şubeyê Şirnexî yê OHODî bi. Goreyê agahîyan komele karanê şîdetê cinîyan, bêusulîye, îhale de fesadîye, narkotîkî kerdêne. Barkinî seba nê karî dezgehanê umûmîye ra meaş girewtêne. Têkilîya Barkinî ya bi hêzanê dewlete qetilkerdişê Sakîne Kultur ra dima eşkera bîye.

Lîsteya komeleyanê ocakî wina ya:

Komeleya Anatolî ya 15'ê Tîrmehê (15 Temmuz Anadolu Derneği), Komeleya Ocakên Îradeya Mîlî ya 15'ê Tîrmehê (15 Temmuz Milli İrade Ocakları Derneği), Komeleya Ocakên Ahî (Ahi Ocakları Derneği), Komeleya Çand û Perwerdyê ya Ocakên Ahmet Yesevî (Ahmet Yesevi Ocakları Eğitim ve Kultur Derneği), Komeleya Ocakên Ak Alem (Ak Alem Ocakları Derneği), Komeleya Ocakên Ak (Ak Ocakları Derneği), Komeleya Ocakên Ak Ulkum (Ak Ulkum Ocakları Derneği), Komeleya Piştevanî û Çand û Perwedeyê ya Ocakên Alperen (Alperen Ocakları Eğitim Kultur ve Dayanışma Derneği), Komeleya 1071 a Ocakên Vejînê ya Anatolî (Anadolu Diriliş Ocakları 1071 Derneği), Komeleya Piştevanî û Alîkariyê ya Ocakên Anatolî (Anadolu Ocakları Yardımlaşma ve Dayanışma Derneği), Komeleya Çand û Perwerdeyê ya Ocakên Ata (Ata Ocakları Eğitim ve Kultur Derneği), Komeleya Ocakên Ayyildiz (Ayyıldız Ocakları Derneği), Komeleya Piştevanî û Çandê ya Ocakên Başyucelîk (Başyucelik Ocakları Kultur ve Dayanışma Derneği), Komeleya Ocakên Fikir a Rojhilat a Mezin (Buyuk Doğu Fikir Ocakları Derneği), Komeleya Ocakên Buyuk Gokturk (Buyuk GOkturk Ocakları Derneği), Komeleya Ocakên Perwerde û Çandê ya Cennet Mekan Sûltan Abdulhamîd Han (Cennet Mekan Sultan Abdulhamid Han Kultur ve Eğitim Ocakları Derneği), Komeleya Alîkariya Civakî û Çandî ya Ocakên Devletî Alliye (Devleti Aliyye Ocakları Kultur ve Sosyal Yardımlaşma Derneği), Komeleya Alîkarî û Çandê ya Perwerde ya Ocakên Enderûn (Enderun Ocakları Eğitim Kultur ve Yardımlaşma Derneği), Komeleya Çand û Perwerdeyê ya Ocakên Ergenekon (Ergenekon Ocakları Eğitim ve Kultur Derneği), Komeleya Piştevanî û Alîkariya Civakî ya Ocakên Ergtûgrûl (Ertuğrul Ocakları Sosyal Yardımlaşma ve Dayanışma Derneği), Komeleya Piştevanî, Çand û Perwerdeyê ya Ocakên Goktûg (Goktuğ Ocakları Eğitim Kultur ve Dayanışma Derneği), Komeleya Ocakên Îstîklal (İstiklal Ocakları Derneği), Komeleya Ocakên Ak Kizilelma (Kızılelma Ak Ocakları Derneği), Komeleya Çand û Perwerdeyê ya Ocakên Kizilelma (Kızılelma Ocakları Eğitim ve Kultur Derneği), Komeleya Ocakên Vejînê ya Osmanî (Osmanlı Diriliş Ocakları Derneği), Komeleya 1299 Ocakên Osmanî (Osmanlı Ocakları 1299 Derneği), Komeleya 1453 Ocakên Osmanî (Osmanlı Ocakları 1453 Derneği), Komeleya Ocakên Osmanî (Osmanlı Ocakları Derneği), Komeleya Piştevanî û Çandê ya Ocakên Osmanî (Osmanlı Ocakları Kultur ve Dayanışma Derneği), Komeleya Ocakên Tûran a Osmanî (Osmanlı Turan Ocakları Derneği), Komeleya Ocakên Destpêkê Welat (Once Vatan Ocakları Derneği), Komeleya Perwerde û Çandê ya Ocakên Oz Hîlal (Oz Hilal Ocakları Kultur ve Eğitim Derneği), Komeleya Ocakên Tevgera Taybet (Ozel Harekat Ocakları Derneği), Komeleya Ocakên Reîs (Reis Ocakları Derneği), Komeleya Ocakên Selçûklû (Selçuklu Ocakları Derneği), Komeleya Ocakên Alîkariya bi Ciwanan Hemûyan re (Tum Gençler Yardımlaşma Ocakları Derneği) û Komeleya Ocakên Yenîçerî (Yeniçeri Ocakları Derneği).