Polîsan Taksim de tewr tay 216 kesî destbend kerdî

Polîsan Taksimê Îstanbulî de hêrişê karker û kedkaran kerd, tewr tay 216 kesî destbend kerdî.

TAKSÎM DE HÊRIŞÊ POLÎSAN

Bi wesîleya 1ê Gulane Roja Kedkar û Karkeran a Dinya de şarê  ke waşt Taksîmê Îstanbulî 1ê Gulane pîroz bikero, raştê hêrişê polîsan ame.

Hêrişê polîsan de xeylêk kesî ameyî destbendkerdene. Komelaya Huqûqnasan ê Herdemî ke masaya krîzî naye ro, hesabê xo yê medyaya sanale de eşkera kerd ke şarê ke semedê pîrozkerdişê 1ê Gulane verê xo da Taksîmî xeylêk nuqtayan de raştê polîsan ame û tewr tay 216 kesî ameyî destbendkerdene.