Deweka Kavakanî ya dewa Lîçikî ya qezaya Kanîreşî ya Çewlîgî de 18ê temmuze ra nata darî birîyenê.

Dewijan pare kerd ke warê bi 300-500 hektarî de darî birîyenê û nê darî seba komirê mangalî bêrê şuxilnayene.

Dewijan vera birnayîşê daran îmzayî arê dayî û muracatê Walîtîya Çewlîgî û Mudirîya Daristanan kerd. Dewijan da zanayene ke seba birnayîşê daran raporê ÇEDî nêameyo girewtene, birnayîşê daran do bibo sebebê felaketanê xoza.

Dewijan vizêr Dozgerîya Komare ya Kanîreşî de gerreyê birnayîşê daran kerd.