Îtîrazê seba Gezere bê cigêrayîşî ame redkerdene

Dima ke derheqê hêrişê cinsî yê vera Garîbe Gezer de bira bêteqîbîye dîyaye avûkatan îtîraz kerd. La îtîrazê avûkatan zî bê cigêrayîşî ame redkerdene.

Tepişte Garîbe Gezera ke Zîndanê Kandira de raşta hêrişê cînsî û îşkence mendbî 9ê kanûne de hucreyê yewkesî de amebî qetilkerdene.

Avûkatanê Gezere serebûtî ra dima derheqê wezîfedaranê zîndanî de sûcanê 'îşkence, hêrişê cînsî, binpaykerdişî' ra Serdozgerîya Komare ya Kandira rê gerre kerd. La tehqîqat de bira bêteqîbîye dîyaye.

Avûkatan naye ser o Mehkemeya Cezaya Sulhe ya Kocaelî rê îtîraz kerd. La îtîrazê avûkatan ame redkerdene.

Avûkata Gezere û Hemsereka ÎHDyî Erene Keskîn medyaya dîjîtale de eşkerayîyêke daye û vat: ''Wexto ke Garîbe weş bîye Serdozgerîye îfadeyê ci zî nêgirewt. Mergê ci ra dima zî bira bêteqîbîye daye. Mehkeme cigêrayîşêk nêkerd. Waştişê ma ame redkerdene. Ma pê Mehkemeya Qanûnê Bingeyî hêvîdar ê? Nê.''