Dêrsim de Festîvala Kultur û Xoza ya Munzurî ya 21. bi şîarê 'Vera talanê madenan ma xoza û  cuye pawenê' ameye kerdene. Festîvale de vera polîtîkayanê talanî hêrsêko pîl ame mojnayene. 

Dêrsimijan derheqê talanê xozaya şaristanî de Ajansê Mezopotamya rê qisey kerd.

Funda Çelîka 84 serre ard ziwan ke vera xozaya Dêrsimî polîtîkayê talanî dewam kenê û pê ney qayîl nîyê. 

Cinîya 63 serre Esma Toprak zî vat: ''Ma dûştê awbendan ê. Wa çew destê xo nêdo xoza ro.'' 

Şahîdê Terteleyê Dêrsimî Huseyîn Çelîkê 89 serrî vat: ''1938 de hende merdimî kişîyayî, bînayî rijîyayî. Ewro zî hetê heman kesan ra xozaya Dêrsimî yena qetilkerdene.  Verê ney pê mi û pê to nêgêrîyeno. Ganî ma vera nê qatlîamî pîya vinderê.''

Endama 'Komeleya Hunerê Seba Xoza' Goksele Ezelturk vat: ''Merdimî û xoza hewceyê yewbînan ê. Ewro pêro dinya de qirkerdişê daran û germîye zêdîyenê. Tesîrê nînan do xirab bibê. Vera nê tehlukeyan ganî ma bi rêxistin bibê. Çunke dewlete şarî ney tim sermaye pawena.''