Rixmo ke hukmatê AKP-MHPyî îdîa keno ke 'rewşa Tirkîya vera bena holêr' rewşa ekonomîke vera bena xirabêr û şar vera beno xizanêr. Bi taybetî rojanê peyênan de vayê her berhemî zêdîyayî.

Şarê Dêrsimî derheqê rewşa ekonomî de qisey kerd.

Hemwelatîyêke pare kerd ke erjê lîraya tirkan her roje kêmîyeno coka lîra helîyena û vat: ''Ma her roje zerar kenê. Her roje benê xizanêr.''

Hemwelatîyêkê bînî yê Dêrsimî vat: ''Zêdîyayîşê erjê dolarî tesîrê cuya ma keno. Verî çîyo ke ma pê 100 TL girewtêne nika ma pê 200 TL ancax gênê. ''

Kokimêkê teqawutbîyayeyî vat: ''Ez 1000 TL kîra dana. Faturayê ceyran, awe û gazî estê. Yanî mi rê çîyêk pey de nêmaneno. Verî ma çay dayêne embazanê xo. Nika ez qewexane de key embazêkê xo bivîna rîyê xo nimnena. Çunke pereyê ma çin o ke ma pê çay bişimê. Eke wina şêro rewşa ekonomîke ya Tirkîya qetî hol nêbena. Coka ganî hukmat şoro.''