Îdareyê Kampa Girê Sipî seba ke hewcedarîyê roniştoxanê kampe peyda bibê kooperatîfê zîretî nayî to. Seba kooperatîf erazîyê bi 60 donîman ame amadekerdene û nê erazîyî de bazilcan, zêbeş, kartol ûsn sebze û meyweyî menga nîsane de ameyî ramitene.

Îdare berhemanê kooperatîfî bazar û dikanan de pê vaya ercanî roşeno.

Koçberê bi nameyê Halîd El Hîlalî îfade kerd ke ê pê xebata kooperatîfî kêfweş ê.

Hemserekê Kampa Girê Sipî Muhammed El Şeyhî zî ard ziwan ke 10 keyeyî proje de xebitîyenê ûvat: ''Ma armanc kenê ke hem hewcedarîyanê şarî peyda bikerê hem zî bi vayanê ercanan berheman biresnê şarî. Ma zimistan de zî xebata xo do bidê dewamkerdene.''