Komelê Îslamî yê Kurdîstanî (CÎK) derheqê menga ramazanî de eşkerayîyêke daye. Eşkerayîya CÎKî wina ya:

''Ma hêvîdar ê ke seba alemê îslamî û dinya haştî û aramîye bêrê caardene. Rîyê vîrusê Korona ra beranê îbadetxaneyan ro kilîdî ameyî dayene. Ganî mumînî keyeyê xo bikerê îbadetxane û menga ramazanî keyeyê xo reyde derbaz bikerê. Homa nika ra îbadetê her kesî qebul bikero. Ma venga her kesî danê ke muhasebeyê gunayê xo bikero û xo zordar û zaliman ra dûrî bigêro, seba heq û edalet bigêro.

Ma meseleyanê xo pê wayûbiratî û dîyalogan çareser bikerê. Ganî hînî ma vera birayanê xo çeke rast nêkerê. Başûrê Kurdîstanî de ancî dişmenê şarê ma seba ke birakujî bikerê fîtneyan rêxistin kenê. Ganî pêro partî, cemîyet û cemaatê şarê ma vera naye vajo vinderê. Ma pîya planê dewleta kolonyalîste pûç bikerê. Ganî ma mabênê xo de muhabet û wayûbiratî aver berê. Ganî her kes pê aqilê selîmî çarçewa menfaatanê şarê ma de seba çarserîye çi destê ci ra bêro bikero. Ma sey Komelê Îslamî yê Kurdîstanî seba averşîyayîşê wayûbiratî, pûçkerdişê fîtneyanê dişmenan amade yê ke hetkarîye bikerê.''