Heyetê Îdareyî yê Cemxaneyê Duzgun Babayî derheqê hêrişê vera peykerê Hasret Gultekînî yo ke Qirkerdişê Sêwasî de cuya xo vînî kerde, de eşkerayîyêke daye û vat seba ke şarî nêwaşt Duzgun Baba de peyker bêro ronayene înan ûca ra peykerê Gultenî darto we û do Qisle de newe ra ronê.

Eşkerayî de ame vatene ke semedê bimbarekîya Duzgun Babayî û hurmetê manevîyeta ci waştişê komelî oyo ke ûca peyker nêro ronayene. Coka peykerê Gultekînî ke ganê ma yo ame wedartene û semedê berdişê cayê ci yê neweyî heyata Cemî ya ma de yeno pawitene.

Heyetê Îdareyî Vat: ''Ma sey Cemxaneyê Duzgun Babayî teqîpkerdoxê şehîdanê Sêwas û heme ganê xo yê ke rayîrê heq huqûqî de şehîd bîyî, yê. Medyaya sosyale de vera ma kampanyaya qerkerdişî esta ke na sîstemî ra cîya nîya. Coka gerek şar û dostê ma na babete de hîna hîsgêr bê.''