Federasyonê Komeleyanê Dêrsimî (DEDEF) eşkera kerd ke Fabrîkaya Awa Munzurî Çimeyanê Munzurî de kartajanê neweyan akena. 

DEDEFî derheqê mesele de eşkerayîyêke daye û vat: ''Fabrîkaya Awa Munzurî Çimeyanê Munzurî de kartajanê neweyan akena û awa pêro çimeyan yew ca de ana pêser. Bi nê hawayî zî na awe pê lûleyan dîyena fabrîka. Wa hînî fabrîkayî bi hirsê karî Çimeyanê Munzurî de peynîya talan û xespanê xo bîyarê.''