Dêrsim: Dozger û qoricîyî pezkovîyêk kişt!

Roja yewşemeyî dozgerêkê komare yê Erzinganî û qoricîyêkê dewe qezaya Pilemurîye ya Dêrsimî de pezkovîyêk qetil kerd. 

Medyaya dîjîtale de ame pare kerdene ke roja yewşemeyî dozgerêkê komare yê Erzinganî û qoricîyêkê dewe qezaya Pilemurîye ya Dêrsimî de pezkovîyêk qetil kerdo.  Dîya zanayene ke hemwelatîyê Dêrsimî şahîdê serebûtî bîyî.

Komîsyonê Dorme û Xoza yê EMEPî yê Dêrsimî zî derheqê serebûtî de eşkerayîyêke daye. Eşkerayîye de ame vatene ke selahîyedaranê dewlete verî zî Çemizşgezek û Alîbogazi de pezkovîyî qetil kerdbi û hemwelatîyan rê zî gef wendbi. Komîsyonî veng da ke nê kesî wa wezîfe ra bêrê girewtene û derheqê serebûtî de tehqîqat bêro akerdene.