Pê nasnameyê xo yê komelkî-sîyasî, pê taybetmendîyanê xo yê tarîcî û cografîkan Dêrsim şaristananê xoseran ra yew o.

Dêrsim pê awbendanê vera fîrazîya ci, pê seydwanî, pê gefê madenan û pê têkoşînê vera ney tim rojdem de yo. Dêrsim rixmê gefanê vera xozaya ci zî xoverdayoxîya xo ya tarîxîye ra anêgêreno û pê rindîya xo qîm keno.

Dêrsimo ke pê rindîya xo ya xozayî û tarîxîye namdar o, dîyayîşê wisarî ra dima pê rengê kesk û sûr û zerdî xemilîya.

Qezaya Pulurî ya ke pê koyanê 500 metreyan girewte ya, rengê payîzî dayî xo rê. Qeza de bi taybetî Gelîya Munzurî, Gelîya Mercanî û warê Karaoglanî ganî bêrê zîyaretkerdene.

Daristanê Salordekî zî mabênê qezayanê Pilemurîye û Qisle de ca gênê û hetê xoza û kulturê xo ra namdar ê. Daristanan de gozêr, qewax, darê berû, darê meyweyan estê.

Roniştoxê herême na xozaya rindeke ra gêrenê û pê kêf kenê.

Gêrayîşê bi 15 kîlometreyan ra dima merdimî hînî uca ra resenê Kadisirti û dest pê agêrayîşî kenê.