Dihok de awbend pêsa, binî ra dewêka kahane vejîyaye werte
Başûrê Kurdîstanî de ziwatîye ra mîqtarê awe kêmîya mendeyê dewa Girê Qesrûkî vejîyayî werte ke dewe 36 serrî verî binê awe de mendbî.
Dewa Girê Qesrûkî ya şaristanê Dihokî ya Başûrê Kurdîstanî de 1985 deawbendêk amebi viraştene û semedo ke dewe binê awe de mendbî dewijan koç kerdbi.
La dima ke awa awbendî ziwa bîye binî ra medeyê dewe vejîyayî werte.
Berpirsê awbendê Ferhad Tahîrî AFPyî rê qisey kerd û vat: ''Awa awbendî emser ziwa bîye. Serranê 1992, 1999 û 2009î de zî awe kêmîyabî û reyna dewe vejîyabî werte.''
Verî ke dewe binê awe de mendbî eşîra Doskî ra qasê 50 keyeyî tede mendêne.
Dewijî hêverî serra 1974î de wextê Serewedaritişê Başûrî de neçare mendbî ke koç bikerê û 1976 de agêraybî. Serra 1985î de zî reyna awbendî ra semed dewijan koç kerdbi.
