''Ganî ziwanê kurdkî bibo wayîrê statuyêkê fermîyî ''

Torra Ziwan û Kulturî ya ke seba pawitiş û averberdişê ziwanê kurdkî amebî awankerdene derheqê Roja Ziwanê Dayîke ya Mîyanneteweyîye ya 21ê Sibate de eşkerayîyêke daye çapemenîye.

Torra Ziwan û Kulturî ya ke seba pawitiş û averberdişê ziwan û kulturê kurdan amebî awankerdene derheqê Roja Ziwanê Dayîke ya Mîyanneteweyîye ya 21ê Sibate de eşkerayîyêke daye çapemenîye.

Eşkerayîya çapemenîye salona konferasnî ya Tahîr Elçîyî de ameye kerdene. Îdarekar û endamê Torre zî beşdarê eşkerayîye bîyî. Eşkerayîya kurmanckî hetê Endamê Heyetê Rayberdişî yê Torre M. Emîn Aktarî ra û eşkerayîya kirmanckî zî hetê Endamê Torre Hidir Karataşî ra ameye wendene. 

Karataşî vat: ''Ma sey şarêkê bindestî ma heqê xo yê tewr girîngî yê neteweyî, dewaya azadîya ziwanî û kulturê xo kenê. Hîşmendîya pawitişî û averberdişê ziwanê kurdkî Ehmedê Xanî û Xaney ubadî ra nata mîyanê kurdan de esta.

Hema zî statuyê ziwanê ma çin o û verê ci de zaf astengî estê. Coka ganî ziwanê kurdkî bibo wayîrê statuyêkê fermîyî û pêro astengî verê ci ra bêrê wedaritene. Seba naye zî ma bi pêro metodanê sivîlan û demokratîkan têkoşîn bikerê.  Na roje girînge de ma venga pêro kurdan danê ke tewrê têkoşînê pawitiş û averberdişê ziwanê kurdkî bibê.'' 


Peynîya eşkerayîye de ame parekerdene ke ê do emşo saete 21:00 de bi taga #herrojkurdi medyaya komelkîye ser o rojdemêk bidê awankerdene û endamanê Torre venga her kesî da ke tewrê nê rojdemî bibê.