Gelîyê Munzur û Pilemurîye sey warê hesasî yê ke wa bipawîyê ameybî îlankerdene. Serekê Odaya Muhendîsanê Jeolojî Huseyîn Alanî  derheqê babete de PÎRHA rê qisey kerd.

Alanî da zanayene ke Dêrsim merkezê elewîtîya raya heqî ya û vat: ''Gelîyê Dêrsimî merkezê bawerîye yê. Ganî nê gelîyî teyna goreyê xebatanê zanistîyan ney goreyê xebatanê bawerîyan zî bêrê ercnayene. Bira pawitişî nika teyna seba kendalanê Gelîya Munzurî sînordar a. La ganî pêro herême biameyêne pawitene.

Herême de ganî gandarî bipawîyê. Seba ke herême destê berardişê wehşîyî û gemarîye ra bêra xelisnayene sey Zelandaya Newîye û Hîndîstanî ganî qanûnê taybetî bêrê viraştene.''