Qezaya Mazgêrdî ya Dêrsimî her serrewextî bi rindîya xo, cayanê xo yê tarîxîyan û xozaya xo bala merdiman ancena. Her serre wisar de leglegî qeza de halînê xo serê stunanê ceyranî, banan û keyeyan de virazenê.

Gola Xizirî zî binê koyanê Mazgêrdî ya dewa Sindamî de ya. Gola Xizirî bi helîyayîşê vewre, bi vilakanê reng bi rengan û milçîkanê tewir tewiran tesîrê merdiman kena. Helîyayîşê vewre ra dima dormeyê Gola Xizirî pê vaş û mêrg, milçîk, vilikan beno de.

Gola Xizirî xeylêk heywananê sey milçîkan, beqan, maseyan, werdekan û mareyan rê zî bena keyeyî.

Dêrsim yew cografya ya ke tede bawerîya elewîtîye serdest a. Elewîyî wina bawer kenê ke ruhê her çîyî est o, Gola Xizirî zî herêmêka fîraz a, coka elewîyî na rindîya xo ya xozayî pawenê.