Ribêsa ke koyan de, berzîya qasê 4 hezar metreyî de zî şîn bena, nika Dêrsim de wextê ci yo. Qasê 60 tewirê ribêse est ê. Lê o tewiro ke Kurdîstan de şîn beno, cayêkê bînî yê dinya de nêreseno.

Ribêse menga gulane de şîn bena û nêzdîyêke mengêke vejîyena. Heta menga hezîrane zî serê dezgehan de roşîyena.

Na meyweya ke tamê ci tirş o, xeylêk cayanê Dêrsimî de şîn bena. Bi taybetî Koyê Sultanî yê qezaya Pulurî de şîn bena.

Wina vajîyeno ke ribêse dermanê xeylêk nêweşîyan o coka Kurdîtan de zaf werîyeno.