Komîsyonê Ekolojî yê HDPyî bi wesîleya Roja Awe ya Dinya bi eşkerayîyêke bale ante ziwabîyayîşî ser.

Eşkerayîye de ame parekerdene ke Tirkîya de asta cidîye de krîzê awe esto û polîtîkayê enerjî û înşaatî yê îqtîdarî vera çimeyanê awe tehlukeyêkê pîlî virazenê. HDPyî da zanayene ke çimeyê awe seba îqtîdar û sermayedaran bîyê çimeyanê rantî û pêro şaristananê Tirkîya û Vakurê Kurdîstanî de ziwatîye esta.

HDPyî pare kerd ke serra 2022î de seba Tirkîya do biba meseleya hîna pîle, ziwatîye krîzê ekonomî zî pîlêr kena û bena sebebê krîzê sosyoekonomîke.  HDPyî vat: ''Îqtîdar wa cade çimeyanê awe ra geta pêro welatî ra destê xo bigêro.''