Rêxistina HDPyî ya qezaya Pilemurîye ya Dêrsimî derheqê qirkerdişê pezkovîyan de eşkerayîyêka nuştekîye daye.

Rêxistine vist vîrî ke tewr peyêne herême de dozgerêkê Erzinganî pa qoricîyêkî pezkovîyêk qetil kerd. Rêxistine vat: ''Rixmo ke ma zaf reyan na babete ser o hîşyarîyî dayî xîretêk nêame kerdene. Dewijanê ma seba ke pezkovîyan bipawê. La heyf ke nê kerdişî zî pê qirkeran nêeşkayî. Pezkovîyî herêma ma de sey fîraz qebul benê. Ma wazenê ke selahîyetdarî zî sey dewijanê ma na babete de hîsger bibê û seba ke verê qirkerdişan bigêrê wa tedbîranê xurtan bîyarê ca. Eke no zî qîm nêbo wa nê qirkerî tedawîya mentale bivînê.''