Herêma Serhedî ya Vakurê Kurdîstanî wisarî reyde pê rengê keskî xemilîyaye. Hemwelatîyî binê Kelaya Wanî de vaşanê weşan arê danê. Hemwelatîyî hem nê vaşan roşenê  hem zî benê serê sifreyanê xo.

Bi taybetî peynîya hewteyî de hemwelatîyî serê sibayî rew dest pê arêdayîşê vaşan kenê.

Burhan Efeoglu (67) pê tornanê xo vaşan arê dano. Efeogluyî da zanayane ke  nebatî dermanê nêweşîyan ê û vat: ''Ma nika nê vaşî arê danê. Gereka mîyanê di hewteyan de no vaş arê bidîyo. Ma roja şeme û yewşemeyî yenê û nê vaşan arê danê. Nê vaşî dermanê derdan ê.''

Guldane Hana 60 serre zî îfade kerd ke ê zêdêr pê nê vaşan werd virazenê.