HRE: 14 îşxalkerî ameyî kiştene

HRE da pêhesnayene ke 9ê înan leşkerê tirkî pêro pîya 14 îşxlakerî ameyî kiştene û 12 zî birîndar bîyî.

Hêzanê Xelisnayîşê Efrînî (HRE) derheqê hêrişê îşxalî yê artêşa tirke û çalakîyanê hêzanê xo de eşkerayîye daye û nê pare kerdî:

''Artêşa tirke ya îşxalkere prosesê Newroze de sere de Şera û  Şêrawa hêrişê xeylêk herêman kerd. Hêzanê ma vera nê hêrişan çalakîyî kerdî. Na çarçewe de;

19ê adare de Taxa Zeîdîyê ya Efrînî çalakîya Sabotajî ameye kerdene. 20ê adare de wesayîtêkê çeteyan ame îmhakerdene. 24ê adare de dewa Kizilbaşî ya Bilbilî de çalakîya sabotajî ameye kerdene wesayîtêkê çeteyan ame îmhakerdene. 28ê adare de vera baregehê artêşa tirke yê herêma Marê çalakîye ameye kerdene û di nuqtayê îşxlakeran ameyî îmhakerdene. Eynî roje dewa Celemê ya Cindiresê de çalakîyêke ameye kerdene. 7ê nîsane de baregehê artêşa tirke yê Marê ame hedefgirewtene. Çalakîya sabotajî de wesayîtêko leşkerî ame îmhkerdene. Artêşa tirke ya îşxalkere bitaybetî 7ê nîsane de hêrişê xo giranêr kerdî. Hêrişê îşxalkeran de zafê înan domanî xeylêk sîvîlî birîndar bîyî. Vera nayî hêzanê ma dewa Gobalî ya Efrînî de da yewîyanê dame yê dewleta tirke ro. Nêtîceya nê çalakîyan de 9ê înan leşkerê tirkî pêro pîya 14 îşxlakerî ameyî kiştene û 12 zî birîndar bîyî.''