Semedê paştdayîşê citkaranê Rojawanî  yê ke hêgayê înan ameyî vêşnayene kampanyaya “Make Rojava Green Again” ( Rojawanî newe ra bikê zergûn) ameye destpêkerdene.

Çeteyê ke bi hêrişanê eskerî wazenê Şorişê Rojawanî tasfîye bikerê hêrişê çimeyanê debarî û ekonomîya şarî kenê. Qamilşlo ra heta  Dêrikî, Hesekê ra heta Dêrazorî, Reqa ra heta Minbicî hêgayê şarî yê xele û cewî hetê çeteyan ra yenê vêşnayene. Goreyê selahîyetdaranê herême nêzdê 33 mîlyon Dolar zirar esto. Semedê paştdayîşê citkaran Ewropa de kampanyayêk ameye destpêkerdene. Kampanyaya  “Make Rojava Green Again” ( Rojawanî newe ra bike zergûn) ya ke  rayberîya Heyva Sor a Kurdistanî de ameye destpêkerdene nameyê ci ‘’ Wela ci ra newe ra afernayene’’ yo. Kampanyaya ke do mengêk dewam bikero çend rojan de 600 euro hetkarî ameye kerdene. Hedefê kampanyaye 10 hezar ewro yo.