Dewa Xelîfanî ya qezaya Kanîreşî ya Çewlîgî de yeno plankerdene ke santralê termîkî bêro viraştene. 7ê hezîrane de (siba) Dezgehê Gurenayîşê  Komirî yê Tirkîya do semedê nê santralî îhale bikero. Komeleya Kultur, Hetkarî û Averberdişî ya Gêxî, Dep, Azarpêrt, Xorxol û Çêrme (KAYY-DER) vera nê projeyî Meydanê Kadikoyî yê Îstanbulî de eşkerayîye daye.

KAYY-DERî vist vîrî ke awbend û HESan Dola Pêrî û Dola Muratî de xozaya herême bi temamî talan kerda û vat ma nêwezanê ke nika zî Dola Goynukî bêro talankerdene. Eşkerayîye de bale ameye ser antene ke îqtîdaro sîyasî hetêkî ra pêkerdişanê îklîmî mor keno û hetê bînî ra santralê termîkî virazeno û ame vetene îqtîdar dirîyîye keno. KAYY-DERî zirarê ke santral do bido şar û xozaya herême rêz kerdî û vat ma vera pereyî weşîye vîjnenê. Eşkerayîya ke morê  65 dezgehanê komelê sîvîlî binê ci de est o de ame vatane ke ê Çewlîg de sanralê termîkî nêwazenê û ame vengdayene û wa no proje helêke cuwa ver bêro betalkerdene.