Goreyê eşkerayîyanê selahîyetdaranê wareyê weşîye rîyê vîrûsê Ebola ra tewr kêmî 1500 kesî merdî.

Goreyê doneyanê Wezaretê Weşîye heta nika 2239  nêweşî ameyî tesbîtkerdene. Goreyê wazaretî 1506 kesî merdî û 621 kesî zî weş bîyî. Hemverê vîrûsê Ebola de 140 hezarî û 915 kesan rê terpinê Ebola ame pirodayene.

Sera parî 1’ê Tebaxe de Komara Demokratîke ya Kongoyî de vîrûsê Ebola dest pêkerdibi û serra 1976’î ra nata reya desine ya ke vîrûs vejîyeno werte. Serra 2014 de Lîberya, Gîne û Sîerra Leone de rîyê Ebola ra 11 hezarî kesî merdîbî.

Rîyê şerê Komara Demokratîke ya Kongoyî ra, têkoşînê vera vîrûsê Ebola derg beno. Nê demanê peyênan de xeylî merkezanê weşîye rê hêrişî ameyî kerdene. Neteweyê Yewbîyayeyî (NY) 23’ê Gulane de seba ke vîrûsê Ebola vila nêbo, vera vîrûsê Ebola ‘koordînatorê mudaxeleyê lezabezî’ wezîferdar kerdibi.