Komeleya Cigêrayîşê Kultur û Ziwanî ya Mezopotamya (MED-DER) ya ke rîyê vîrusê Korona ra mabên da dersê kurdkî dest pê dersê onlineyî kena. Dersê onlîneyî de asta verêne ra heta asta hîrêyîne kursî û bi kirdkî û kurmanckî do bêrê dayene. Êyê ke wazenê beşdarê dersî bibê eşkenê pê rayîrê e-posta, twitter, youtube komele reyde têkilîye ronê û qeydê xo bikerê.

Hemserekê MED-DERî Mehmet Esenî derheqê babete de qisey kerd û venga her kesî da ke beşdarê dersan bibo. Esenî vat: ''Dersê pê zoomî do bêrê dayene. Peynîya kursî de ma do setîfîka bidê beşdaranê serkewteyan. Nê prosesê janî de ke firsend çin o çew şoro kurdan ma venga her kesî danê ka beşdarê dersanê ma bibo. Wa kerem bikerê ma ziwanê xo bimusê. Ma janî ra verî zî seba dersê onlîneyî yê youtube xebate kerdêne. Ma do bi hawayêkê profesyonelî dersan bidê. Ma venga pêro kokiman, domanan, cinîyan û ciwananê kurdan danê ke bêrê ma seba ziwanê xo seferberî bikerê, ma seba ziwanê xo îmkanan biafernê.''