Polîtîkayê rejimê AKPyî krîzê îqtîsadî yê welatî xorî kenê. Hêzê herînayîşî kewt, nisbetê bêkarîye beno vêşî.

Sazîya Îstatîstîkî ya Tirkîye (TUÎK) doneyê Îstatîstîkî yê Hêzê karî yê Tebaxe eşkera kerdî. Doneyî ramojnenê ke nisbetê bêkarîye menga Tebaxe de resayo merheleya 11,1î.

Pêroyîya welatî de hûmara kesanê bêkaran ê ke 15 serre yê û ci ra vêşêr ê goreyê menga Tebaxe ya parî 266 hezarî bîye zêde û bîye 3 mîlyon û 670 hezar kes.

Heman dewrî de bêkarîya teberê zîretî zî bi vêşîbîyayîşê nisbetê 0,4 puanî resaye se ra 13,2yî.

Nufûsa ciwanan (15-24 serre) de zî nisbetê bêkarîye bi vêşîbîyayîşê 0,2  puanî resa 20,8, yê grûba 15-64 serran bi vêşîbîyayîşê 0,6 puanî resa se ra 11,4î.