Bajarekê Pêrî yê qezaya Mazgêrdî yê Dêrsimî de berardiş dewam keno. Hemşaredaranê Pêrî Songule Dogan û Orhan Çelebî yê ke herinda înan de qeyûm ame tayînkerdene derheqê berardişê prosesê janî de PÎRHA reyde qisey kerd. Hemşaredaranê ke sebze ramenê bale ante ser ke prosesê janî de zîret çeng girîng o.

Orhan Çelebîyî ard ziwan ke dewan de ke gêrîyayî binê karantîna cuye ha bena normal û ber ardiş dest pêkerd. Çelebîyî eşkera kerd ke Şaredarîya Pêrî ya ke ci rê qeyûm ame tayînkerdene wezîfeyanê xo nêana ca.

Çelebîyî vat: ''Dima ke dewa Riçikî ya qezaya Mazgêrdî de karantîna wedarîyaye dewan de berardiş dest pêkerd. Nêweşê ma bîyî weş, nika karê xo yê zîretî kene. Ma zî Kooperatîşê Dewa Elşmalikî reyde seba berardişî cayê xo girewt. Ma do paştî bidê şarê xo û berardiş dewam bikerê. Ma do pê Kampanyaya Keyeyê Wayûbirayî hetkarîya merdimanê xo bikerê. Ma binê kooperatîfî de 240 donimî ramitî. Ma citkaran reyde xebatanê hemparan kenê. Ma wazenê ke citkarî wayîrê kooperatîfî bivejîyê û berhemanê xo biroşê.''

Songule Dogan zî vat: ''Ma kooperatîfî reyde ramenê. Semedê vîrusê Korona ra ma zaf qerebalix nîyî. Nê janî ra dima zî ma do şarê xo reyde ramitişê sebzeyan dewam bikerê.''