Qendîlo ke aşmê zimistanî tede zehmet ravêrenî, şarî dest bi hedreyîyê zimiztanî kerdî.

Dewanê  Qendîlî de ke hemwelatîyî sobaya kuwelîyan şuxulnenê, şar koyan ra kuwelîyan arê dano. Şarê ci zergûnayîyanê bexçe û rezan keno wuşk ke zimistanî biwerê.  

 ‘Berzîya vewre 3-4 metreyî ra vîyarena’

Resul Haciyo ke dewa Ênzê ya Qendîlî de ciwîyeno, ard ziwan ke Qendîl de zimistan çetin vîyareno û berzîya vewre 3-4 metreyî ra vîyarena. Resul Haciyî vat: „Seva ke ma nêeşkenê bi estoranê xo şirê merkezê şaristanî ma nêeşkenê îhtîyacîyanê xo hal bikerê. Ma zî rew dest bi hedreyîyanê kenê, kuwelîyanê wuşkan seva zimistanî arê danê.“  

Henîfe Mihemede ke dewa Pirdeşalî de ciwîyena vat ê xeylî zergûnayîyê sey fasulye, bamya û firingî, kuncî û balcanan kenê wuşk, seva zimistanî darenê we.

Henîfe wina dewam kerd, „Cinî û camêrdî aşmanê wesarî de şinê zozanan, seva zimistanî vaşanê sey Luşik, Qurad, Soryaz û Eslêrkî arê danê.“

Mele Hesenî zî hemverê  hukmato ke seva zimistanî çîyê vêşnayîşî nêdano înan lome kerd.