4 serrî yo qeyûmê AKPyî Şaredarîya Wanî ya HDPyî viste destî û şarî rê qet xizmetêk nêkerd. Qeyûmî pêro bîna, termînal, salonê dawetî û bi hezaran donimî erazîyê şaredarîye rotî terefgîranê AKPyî. Rîyê qeyûmî ra şaredarîye binê deynanê giranan de ya.

Qeyûmê Şaredarîya Wanî şaristan kerdo sey dewe. Merdimî nêeşkenê herre, çal û çopan ra kuçeyan ra derbaz bibê. Qeyûmî merkezê şaristanî rot TOKî û terefgîranê AKPyî û merkez vurna herêma betonî. 

Roniştoxî seba ke nêeşkenê awa pakîye peyda bikerê her menge pereyî danê awe.

Qezayê merkezî Rêya Armûşê, Tûşba û Artemêt zî bîyî sey dewe. Şaristan de çopî nênê arêdayene. Xeylêk kuçe û cadeyan de lûleyê awa şimitişî teqayê. Seba ke lûleyî nênê tamîrkerdene şaristan seke bîyo çemo qij.