Aşma Muherremî ke seba elewîyan sey aşma şînî yena zanayene, Roşanê Qurbanan ra 20 rojî dima ra dest pêkena. No roje îbadetê şînî yo û seba Îmam Huseyîn û 71 kesê ke Kerbela de hetê Yezîdî ra bi hawayo têşan ameyî verdayene û ameyî qetil kerdene, yeno tepiştene. Reyna no roje şexsê Îmam Huseyînî de seba heme mazlûman yeno tepiştene.

Elewîyî aşma Muharremî de tayê cayan de 10 û tayê cayanê bînan de zî 12 rojî roje tepişenî. Emser bi rojeyê Masum-u Pakî yê 7, 8 û 9ê êlule de dest pêkerd. 10ê êlule de rojeyê Ana Fatma û 11 û 12ê êlule de zî do rojeyê 12 Îmaman bêro tepiştene. 23ê êlule de zî seba 12ê Îmam û kesê ke şehîd bîyî werdê aşûreyî bêro pewtene û vila kerdene.

Goreyê nê rojeyî heta 12 rojan veyve, nîşan, sunet û sewbîna aktîvîteyî nînî kerdene, qurbanî nînî dayene û goşt nîno werdene.