Rimêlan de 36 doniman ser de serayê sebzeyan est ê ke cewab danê îhtîyacanê bazarê Girkê Legê, Dêrik û Rimêlanî. Ge ge nê sebzeyî Qamişlo, Hesekê û Dêrikî rê zî roşîyenê.

Muhendîsê zîretî Mihemed Heysem El Metirî derheqê babete de ANFyî rê qisey kerd. Metirî da zanayene ke înan hêverî 9 doniman ser de sera naya ro û dima serayî zêdînayê. 

Metirî pare kerd ke nê serayan de firîngî, bazilcanî, îsotî û fasulyayî ûsn. yenê ramitene. 

Metiro ke çar serrî yo serayanê Rimêlanî de xebitîyeno vat: ''Ma 2015 de projeyê sera dabi destpêkerdene û her serre ma projeyê xo aver berd. Nika serayê ma resayê 36 donimî. Seraya mi sîstemê kooperatîfî îdare bena û tede 6 keyeyî xebitîyenê. Ma nê keyeyan reyde bi paştdayîşî xebitîyenê. A raaşte ma hetêkî ra komelbîyayîşî zî xurtêr kenê. Ma kenê ke cewab bidê îhtîyacanê pêro herême. Ma berhemanê xo bi giranî şawenê bazaranê Dêrik, Girkê Legê û Rimêlanî. La 2023 de ma bazaranê Qamişlo, Hesekê û Dêra Zorê rê zî berhemê xo şawitî.''