Têgêrayîşê Cinîyanê Azadan (TJA) eşkerayîya xo de derheqê Roja Ziwanê Dayîke ya Mîyanneteweyîye de vat: 

''Qirkerdişê kulturî û hunerî komel pûç keno, bêrefleks keno. Keso ke ziwanê xo ra dûrî keweno mabênê sîstemî de vîn beno. Ziwan erjo verên ê komelî yo. Komel eşkeno bi ziwanê xo estbîyayîşê xo bipawo û bi nê hawayî mende bimano.  Vera ziwanê kurdkî, şarê kurdî seba ke asîmîle bibê hêrişê barbarî yenê kerdene. La ziwanê kurdkî ziwanêko hende qedîm o ke ewro şarê kurdî resa nê wextî.

Bêrê ma pîya ziwanê dayîke bikerê ziwanê perwerdeyî; no heqêko merdimîye, wijdanî, exlaqî û qanûnî yo. Sînorê ziwanî sînorê dinya yo, bêziwan cuye sînoran ra derbaz nêbena. Heta ke ziwanê dayîke azad bibo ma do têkoşîn bikerê, xo asîmîlasyon û oto-asîmîlasyonî ra bixelisnê. Na çarçewe de ma Roja Ziwanê Dayîke ya Mîyanneteweyîye fîraz kenê û ma venga pêro kurdan danê ke mqa wayîrê ziwanê xo bivejîyê, kurdkî binusê, biwanê û qisey bikerê. Vera asîmîlasyonî û oto-asîmîlasyonî têkoşîn bikerê. Ganî her keye bibo dibistanêk.''