Rixmo ke erdê Kurdîstanî ame îşxalkerdene û kurdî rastê asîmîlasyon û teda mendî zî kurdî hema zî tradîsyon û edatanê xo pawenê.

Nê tradîsyonan ra yew zî Kostek o. Kostek wexto ke domanî newe newe dest pê rayraşîyayîşî kenê sey şayîyêke yeno kerdene. Wexto ke domanî dest pê rayraşîyayîşî kenê keyeyî venga merdim û cîrananê xo danê û şayîyêke virazenê.

Dima linganê domanan rê kostek (layêk) girê dîyeno, şekir û datlî dîyenê verarê domanan. Dima la birîyeno  û doman/e zî şekiran gêno remeno/a. Domanê bînî zî peyê ci ra vazdenê.

Rebîa Nesana 85 serre Kobanê ra ya la hêrişanê DAÎŞî de neçare mende ke koçê qezaya Tirbêsipî ya Qamişloyî bikera. Rebîa hema zî nê tradîsyonê kostekî dana ciwîyayene. Rebîa vana: ''Kostekê domanan ê kênayan hetê cinîyan ra û kostekê domananê lajan zî hetê camêrdan ganî bêro birnayene. Kostek hem komelê ma ano pêser hem zî moral dano domanan. ''