Endamê Heyetê Îmraliyî yê DEM Partî û Serekwekîlê Meclîsî Sirri Sureyya Onder Nêweşxaneyê Florence Nightingale de 12 rojî yo servîsê ciewnîyayîşê giranî de yo. Seba Onderî nêweşxane de zîyaretî dewam kenê.

Endama Heyetê Îmraliyî Pervîne Buldane, Serekwekîla Grûba DEM Partî Gulîstane Kiliç Koçyîgît û wekîlê DEM Partî zîyaretan de amade yê.

Ewro Serekê Amedsporî Burç Baysal, îdarekarê klubî, Serekê Heyetê Îdareyî yê Odaya Tîcaretî ya Dîyarbekîrî Ercan Taylamanî zî tede xeylê kesan Onder zîyaret kerd. Baysalî tîya de formaya bi nameyê Sirri Sureyya Onderî dîyarîye kerde.

Ancî Wekîlê CHPyî Sezgîn Tanrikulu, Şaredarê Beyogluyî Înan Guney, Îbrahîm Tatlises, birayê Şakîroyî û xeylê temsîlkarê dezgeh û rêxistinan şîyî zîyaretê Onderî.

Wina pawîyeno ke siba doktorê Onderî do eşkerayîyêke bidê.