Tirkîya de domanî zî tede karkerî pê destmizê kemî hêgayan de yenê xebitnayene. BBC xebera xo de cayo hîra da karkeranê findiqan ê ke binê şert û mercanê zoran de xebetîyenê û bale ante serê kedwerdişî ser.
Findiqanê Nutella pê domananê Kurdan danê arêdayene û deztmizo kemî yeno înan dayene.
Xebere de ame dîyar kerdene ke multecîyê Kurdê ke tede domanî zî estê, pê seatan xebitîyenî yewmîyeyê înan zaf tay ê. înan ra Mehmet Kelekçî vat ke mîyanê roje de 10 seatî xebetîyenî, hetê înan de yew keyeyê Kurdî yo multecî zî esto. Dîsan Mistefa û MUhammed 10-12 serre yê û findiqe arê danê. Findiqê dinya yê se ra 70'î Tirkîya de yê. Şîrketê tewr pîlêr zî Ferroero yo ke berardoxê Nutella yo. BBC ard ziwan ke kesê ke findiqan arê danê zafê înan Kurdê multecî yê. Rojêke de tewr zêde 10 euro gênê, naye ra se ra 10'î zî komîsyon o. Esnafo qijkek Engînay Akçakî vat ke şîrketê Ferreroyî nêperseno ke nê findiqî çara yenî û binê kamcîn şertan de yenê arêdayene. Ferrero berardişê findiqan ê Tirkîya 3 ra yewî gêno, nê findiqan ra her serre 365 hezar tonî Nutella yeno viraştene.
