Raporo ke hetê Federasyonê Rêxistinanê Xaçê Sûrî  yê Mîyanneteweyî û Aşma Sûre   (IFCR) ra ame amadekerdene malîyetê giranî yê rîyê tênêgêrayîşê verba germîya globale ame parekerdene.

Raporo bi nameyê "The Cost of Doing Nothing- Malîyetê  qey çîyêk nêkerdişî" de ame vatene ke verê serra 2050 ra her serre hûmara merdiman ke hewceyê hetkarîye yê do hedî hedî bibê 200 mîlyonî. Rapor de ame vatene e  nika zî sey laser, vayî, şewat, vager ûsn çîyî tesîrê merdiman kenî û cuya înan kenî giranêr. 108 mîlyon însanî estî ke Rîyê nê fenomenê xozaye ra hewceyê hetkarîya mîyanneteweyîye yê. Rapor de ame eşkerakerdene ke nika donorê mîyannetewî seba hetkarîya merdiman serre de mabênê 3 û 11 mîlyar Euro fonî virazenê û na hûmara 2030'î de tewr tayî do bibe 18 mîlyar dolar. Rapor de ame vatene, beno ke hewcedarîya ke do bibe zêde nêro peydakerdene zî.