Amed de tarîxo hezar serre do binê awe de bimano
Dewleta tirke bi awbendê Ilisuyo ke Heskîf de tarîxo 12 hezar serre binê awe de verda qirkerdişê kultur û tarîxî rê dewam kena.
Awbendê Amare ya ke serê Robarê Ambarî de hewzê Dîcle de maneno û merkezê Amedî ra 10 km dûrî yo sey Heskîf binê tehlukeyê çinkerdişî de yo.
Bi awbendî Girê Fille yê dewrê neolotîkî, Kendalê Hecala û Pulikê Ambarî do binê awe de bimanê. Eke verê awe bêro girewtene nê pêro û goristanê Girê Fille do bêrê çinkerdene.
Herême de serra 2018î ra nata ge ge erd kenîyeno û nê xebatan de heta nika berhemê 9 hezar serreyî dîyayî.
