Akademîya Muzîkî ya Bedestanî ra ke mîmarê Projeyê Dêrsim-Qoçgîrî-Qerebelî yo projeyêko newe yê bi nameyê ‘Dew du şar heft meselî.’ Vizêr projeyo ke Merkezê Kulturî yê Şaristanî yê Şîşlî yê Cemîl Candaşî de proje resa goşdaran û ci rê eleqedarîyêka girde estbî.

“Şare; Rengê Keskûsûre Yo Û Mexmela Ana Fatma Ya”

Şare, kulturê Dêrsim-Qoçgîrî de cinîyê kokimî xusûsen zî cinîyê dergahan danê sereyê xo. Na mexmele bawerîya Elewîtîye de wayîrê muhîmîyêka pîle ya. ‘Dew do şaro’ nê projeyî de diwês cinîyan temsîl kena. Yanî kes eşkeno vajo ke projeyê ‘Dew du şar heft meselî’ sey ’12 cinîyî û 7 estanekî’ bêro açarnayene.

“Sîmire Û 12 Çimî”

Proje de tradîsyonê hozanî yê Tirkî û Kurdkî (Kirdaskî û Zazakî) hetê cinîyan ra yeno bicaardene. Pîya bi 12 cinîyan ê hozanan qalkerdoxêk 7 estanikan goşdaran rê qal keno. Tîya qalkerdox Bulent Çatalkaya yo ke şefê Koma Muzîkî ya Bedestanî yo. Sîmire dima ra kewena sehne û bi nê hawayî bena cinîya 13’ine. Bi nê hawayî ‘Dev se şar’ bena pêroyîya 12 cinîyan ê ke welîya xo ra newe ra benê gane.

Koma Muzîkî ya Bedestanî ya ke serrêk û nîm o provayanê xebate kenê, heta nika 20 ra vêşêrî berheman ra 16’ê înan bi performansê ganeyî pêşkêş kerdî. Seba projeyî herinda vatişanê populeran de vatişê ke hendî ver bi vîndîbîyayîşî şinê ameyî weçînitene.

Her yew a 12 cinîyanê ke vejênê sehne rengêkê keskûsûre ra dana xora û bi nê hawayî keskûsûre temsîl kena. Bulent Çatalkayayo ke rolê qalkerdoxî girewto, estanika şahmarane ra dest pêkeno, tofanê Nûhî qal keno û dima ra zî estanika şiwane Mûnzûrî vano.