7 fîlmê neweyî yê ke mîyanê înan de fîlmê dram, komedî, aksîyon û anîmasyonî estê kewtî vîzyon.

BOHEMİAN RHAPSODY

Fîlmê Bohemian Rhapsody grûba Queenî, deyîranê înan û solîstanê înan ê ke dinya de bîbî sembolî yad keno. Fîlm terzê cuya Mercury yo ke kontrol ra vejîyayo û zereyê xo de xo dir dano pêro ser o vindeno. Mercury hemverê nêweşîya xo de tewrê konserê Live Aid yo tarîxkî yo ke dinya de yê tewr pîlan ra yew yeno namekerdene bi û rayberîya grûbe kerde.   

ECINNI

Fîlmê Ecinni hîkayeya ciwanêk ke dimayê vindîbîyayîşê waya xo ra cinan dir keweno têkilî qal keno. Kadir gama ke unîversîte de waneno wazeno belgefîlmêk virazo û pîya bi embazanê xo ya şino dewêka 400 serrî ke dewrê Osmanîyan ra menda. La hewna ke nêresayê dewe qewimîyayîşê ecêbî virazênê. Dima ke resenê dewe Kadir qerar dano ke çîyanê ke 15 serrî yo keyeyêkê cinan ra mûsayo bica biyaro. La o û embazê ci raştê surprîzêk ke qe nêpawitêne yenê.   

CILMAX

Mîyanê serranê 90an de 20 kaykerî seba provayêka 3 rojî daristan de mektebêk de yenê têhet. Vero ke prova biqedîyo partîyêka peyêne virazenê. La dima ke hûmara şimitokan bena vêşî têgêrayîşê ecêbî yenê ramotene. Gamêk ra dima ciwanî kontrol bi temamî kenê vindî. Seba tayênan no atmosfero ke bi muzîk, dans, tengizîyayîş û seks pirr o sey cenetî yo, seva tayê bînan sey cehenemî yo.

TEPIŞTE

Fîlmê Tepişteyî qalê hîkayeya hunermenda opera ya namdare ke tewrê rocbîyayîşê karsazêkê zengînî yê Başûr Amerîkayijî bena û ûca rehîn yena girewtene keno. Sopranoya namdare ya Amerîkayije Roxane Coss mîyanê meymanan de û do konserêkê taybetî bido. Sere de her çî normal o, alelade yo. Labelê ver bi peynîya partî grûbêka terorîstan erzena serê partî. Hûmara vêşî ya rehîneyan hêdî hêdî bena problem û ê teberê karsaz Katsuni Hosokawa û sopranoye Roxane Cossî de her kesî serbest vera danê.

KAYA RINDE

Fîlm qalê hîkayeya ciwanêk ke xo mîyanê dinyaya kayî ya profesyonele de vîneno keno. Cenkî lîse newe qedênaya. Seva hetkarîya keyeyê xo Cenk hetêk ra zî înternet kafeyêk de xebetêno. Rojêk gama hetê menejerê taximêkî ra yeno keşfkerdene cuya ê vurêna.

FINDIKŞIKTOX Û ÇAR QRALÎ

Waştişê Claraya ciwane tenya kilîdêk o. No kilîd xelata pîyê aye yê waftîzî yo û heman wextî de kilîdê qutîya maya ci yo. Labelê no kilîd bi hawayêkê ecêb û esrarengîzî dinyayêka paralele de bîyo vindî. Claraya ke kewta dimayê nê kilîdî xo mîyanê macerayan de vînena.  

HALÊ DINYA

Fîlmê „Dünya Hali“ (Halê Dinya) qalê hîkayeya ciwanêkê gencî ke kewto dimayê eşqê platonîkî dima keno. Serdar debarîya xo bi karê anîmatorîye keno. Serdar cinîyêka ciwane ya bi nameyê Gîzeme ra hes keno. La xebere Gîzeme nê ra çinya. Şerto ke embazanê xo dir kerdo keno vindî û mecbûr maneno ke Gîzeme bivîno û zerra aye xo wa girê bido.