Qezaya Çêrmûgî ya Amedî de sînagogo ke seserra 14. ra mendo û aîdê cewîyan o hema zî taybetmendîya xo ya verêne paweno. La sînagog binê tehlukeyê rijîyayîşî de yo. 

Goreyê zanayîşan Çêrmûg de verî xeylêk  cihûdî ciwîyayêne. Cewîyan Qirkerdişê Armenîyan ê 1915î ra dima Çêrmûg terikna. 150an de Çêrmûge de qet yew cewî nêmend.

Qezaya Sûrî ya Amedî de zî sînagogêk estbi ke serra 2015î de wextê qedexeyê tebervejîyayîşî de bi temamî rijîya. Heman çarenûs nika pabeyê sînagogê Çêrmûge yo ke nika Amed de ci ra ber sînagogêk çin o. 

Tay beşê sînagogî nika ra rijîyayî. Sînagog dima ke tede gêrayîşê xezîne ame qedexekerdene tayêk zî bibo ame pawitene. Heyetê Pawitişê Kultur û Xoza yê Amedî serra 2002 de sînagog sey 'berhemê kulturî' îlan kerd. 

Eke tedbîrê qîmê nêgêrîyê sînagog do bi temamî birijo.