Qezaya Cizîrî ya Şirnexî de hetê Şaredarîya Cizîrî ya HDP’yî ra saetanê şanî de şayîyêka muzîkî ameye viraştene. Şayîye banê Şaredarîye yê kuçeyê Sevgî de ameye viraştene û hunermendê herême Rêzanê Batû, Mahabad, Ûmût Botan û Asker Cîzrawî vejîyayî sahne. Hetê bînî ra HDP'yî Huseyîn Kaçmaz, hemşaredarê Cizîrî û bi sedan kesî beşdarê şayîye bîyî.

Hunermendan şayîye de deyîrê herême vatî û Parlamenter Huseyîn Kaçmazî zî şayîye de qiseykerdişêk kerd. Kaçmazî qiseykerdişê xo de bale ante serê fihûş û madeyê hişberdoxî û vat, “Ganî keyeyî na babete de hîna bidîqet bê û vera nê serebutan têkoşîn bikerê.”